滿足的笑容

仔仔呢排飲完奶,肚仔飽飽之後,會呈現一個好滿足嘅笑容,我自己真係覺得佢嗰個表現好cute,好攪笑,不過可惜我好難拍到嗰個moment.以下嗰個都算拍到個笑容,不過平時佢係當我一"令"支奶出嚟,佢就係咁樣笑!

Food Lover

呀仔一向食嘢都ok, 好鍾意食嘢,最近胃口仲好好,食完5oz奶,仲可以食多1碗粥仔,見佢食得咁開心,咁我就再比多d心機整多d唔同嘅粥仔la!

樂樂與狗狗

原來樂樂B一d都唔驚狗狗,琴日响朋友屋企仲主動摸狗狗,只可惜我冇影低.後來狗狗"lam lam"呀仔雙腳仔,仔仔仲笑到gik gik聲,好可愛!

樂樂都幾嗲吓嫁

營養餐

試咗幾次,今日終於落啱水份,成功用電飯煲煲咗d粥仔,然後落咗牛肉同番薯比仔仔食,佢食得好快,好似好鐘意食咁,令到我好有滿足感添! =)
今次其實係第一次比牛肉呀仔食,雖然我係買最貴嗰款牛肉(因為賣肉嗰個叔叔話呢part嘅牛肉最嫰最"林"),成$6.xx一磅,但因為其實只係要少少,所以埋單都只不過係$1.xx,好彩嗰個叔叔–d都唔介意,仲依然好有禮貌,見佢咁好服務,我就買多咗d其他肉for明晚嘅dinner la!