終於識爬喇!

响9月21日晚上,我終於爬爬成功喇!

千呼萬喚"齒"出來

babamama的驚喜-拍手仔

樂樂豬開始大個喇,開始自己pick up到d新嘢,最近佢學識咗自己拍手&拍波,我哋冇教佢,係佢無啦啦自己pick up 咗,第一次見到佢拍手(其實係拍波先)真係覺得好surprise! 更surprise嘅係有一次我唱Jesus Loves Me比佢聽,佢竟然一聽到就拍手,好似我個小粉絲咁,好可愛,不過自嗰次之後,再冇第2次lu!

滿足的笑容

仔仔呢排飲完奶,肚仔飽飽之後,會呈現一個好滿足嘅笑容,我自己真係覺得佢嗰個表現好cute,好攪笑,不過可惜我好難拍到嗰個moment.以下嗰個都算拍到個笑容,不過平時佢係當我一"令"支奶出嚟,佢就係咁樣笑!

Food Lover

呀仔一向食嘢都ok, 好鍾意食嘢,最近胃口仲好好,食完5oz奶,仲可以食多1碗粥仔,見佢食得咁開心,咁我就再比多d心機整多d唔同嘅粥仔la!

TV Lover

呀仔的確遺傳咗我哋嘅"睇电視"基因,佢真係會睇住笑,睇到眼定定,好似真係識睇咁.通常當我要一段時間做自己嘢,如煮飯,我就會開d baby DVD比佢睇,咁佢就肯唔嘈而且乖乖坐响到,我就可以專心做我d嘢嘞!

樂樂與狗狗

原來樂樂B一d都唔驚狗狗,琴日响朋友屋企仲主動摸狗狗,只可惜我冇影低.後來狗狗"lam lam"呀仔雙腳仔,仔仔仲笑到gik gik聲,好可愛!

釋放後的開心party

每次領詩前夕都囉囉攣,心情有點緊張,所以都冇乜心情去約人去街街,今日終於完成呢個事奉,心情份外輕鬆,有種好似考完試個種釋放嘅感覺,所以今晚响好友家的housewarming party也玩得特別盡興! 今晚真正體會什麽叫空中花園,好友及其丈夫精湛廚藝(雖然是BBQ dinner,但他們用了非一般醃法,所以特別yummy!),給我們在靚靚環境下預備了美味的食物,再加上4個(加1隻)可愛大小babies,就是這樣我們過了開心的一晚.真的好多謝好友的款待唷!

This scrapbook generated with Smilebox

樂樂都幾嗲吓嫁

樂樂基金

baba每晚都會將嗰日用淨嘅散銀放响個兜兜到,有一日baba突然同我講叫我唔好陏呢d錢,因為呢d將會係樂樂嘅基金,咁我以為係教育基金啦,原來唔係,係玩具基金至真! 激死!

Baby Food Recipes

Thank Helen from HK sharing this with me!

蘋果茸 (適合4-8個月嬰兒)
1.先將蘋洗淨去芯，待用。
2.把蘋果放入沸水煲至軟身。
3.用刀起肉。
4. 用木棍(烹飪專用研磨碗和木棍)壓爛至茸狀即可。

紅蘿蔔茸(適合4-8個月嬰兒)
1.將紅蘿蔔去皮洗淨，然後切粒。
2.再將已切粒的紅蘿蔔煲至完全腍身，約廿至三十分鐘。
3.然後用木棍壓爛即可。食用時放入米糊或粥仔內。

蕃茄茸 (適合4-8個月嬰兒)
1.先將蕃茄洗淨，再用刀輕切一個「十」字。
2.用叉插在蕃茄頂部，放在沸水裏直至外皮褪去。約5 分鐘即可。
3.用手把蕃茄皮剝去，然後切開蕃茄，挖出籽。
4.最後，放入攪拌機攪成茸狀即可，或用木棍將蕃茄壓茸。

粟米茸 (適合4-8個月嬰兒)
1.先將粟米切成段，放入沸水煮45分鐘左右，直至粟米完全腍身。
2.取出粟米粒，然後放入攪拌機攪成茸狀，才可令質感細滑。

菜茸 (適合4-8個月嬰兒)
1.先將蔬菜洗淨，只要菜葉部分做茸。菜莖對於嬰兒來說太硬了，不適合他們食用。
2.在沸水裏先放少許鹽，將菜葉放在沸水煮至軟身，然後撈起放入冷水浸一會，這樣可去除蔬菜本身的澀味。
3.再用刀將菜葉切碎。假如嬰兒是初吃菜茸，可把已切碎的菜葉放入攪拌機打爛，或用木棍壓碎，令菜葉的纖維更幼細，讓嬰兒易於吞嚥。

牛奶蕃薯茸 (適合4-8個月嬰兒)
1.將蕃薯洗淨，連皮一起煲，約20至30分鐘。
2.可將筷子插入蕃薯，看看是否腍身，然後去皮。
3. 用木棍把蕃薯壓成茸。
4.最後加入一些奶 (配方奶粉或母乳均可) 拌勻，令蕃薯的口感更幼細。

蛋黃粥 (適合4-8個月嬰兒)
蛋黃1/2個，米2湯匙或爛飯半碗
1.將雞蛋煲熟，去蛋白部分，只要半個蛋黃用來煲粥。
2.煲粥前先將兩湯匙米(約半杯米)用熱水浸一小時左右，再注入七至八碗清水入煲內煲粥；或以成人吃的飯半碗，注入兩碗滾水煲粥也可。
3.煲至粥差不多滾起時，可攪拌幾下，令粥不易黏底。
4.當粥滾至出現一個泡時，再加入蛋黃拌勻。此時可加些水令粥變稀，每次1湯匙直至合適為止。

香蕉米糊仔 (適合4-8個月嬰兒)
香蕉1隻，米糊1茶匙
1. 依照不同品牌米糊的介紹，以水或奶開成糊仔，每次以半茶匙餵食。
2.將香蕉用木棍壓爛成茸，混入米糊中，以增加糊仔的口感和味道。

百合蜜棗粥 (適合4-8個月嬰兒)
新鮮百合1個或龍牙百合3兩，蜜棗3粒
1.先將新鮮百合洗淨，切去頭段，掰開一片片，備用(龍牙百合則需於前一晚浸透待用)。
2.煲粥前半小時，先將兩湯匙米用熱水浸，然後加七至八碗清水及其他材料煲成粥。或以成人吃的飯半碗，注入兩碗滾水煲粥也可。
3.記住要冷水落米煲粥，同時間一起落百合及蜜棗同煲。

山斑魚淮山茨實湯 (適合4-8個月嬰兒)
山斑魚5兩，茨實1兩，淮山1兩，果皮1塊，南北杏適量
1.先將茨實、淮山浸透。果皮浸軟刮去果瓤，清洗乾淨，待用。
2.將山斑魚用熱水燙，再用刀刮去潺，然後燒紅油鑊放入薑片，放入山斑魚略煎。
3. 注清水入鑊，滾五至十分鐘，然後將水連魚倒入湯煲內，這能令湯呈奶白色，味道更鮮甜。
4.將所有材料放入煲內，注入清水，煲滾後轉慢火煲1 1/2至2小時即可。

蘋果南北杏豬展湯 (適合4-8個月嬰兒)
蘋果3個，南北杏適量，豬展12兩，陳皮1小塊
1.先將豬展、南北杏洗乾淨，豬展拖水、瀝乾，待用。
2.蘋果洗乾淨去芯待用。陳皮浸軟去瓤。
3. 先將陳皮跟適量的清水一同煲，待水滾後，把所有材料放入湯煲內，煲10至15分鐘左右，然後改用慢火煲兩小時即成。

蕃茄薯仔紅衫魚湯 (適合4-8個月嬰兒)
蕃茄3個，薯仔2個(想湯稠些，可多加1 至2個薯仔)，紅衫魚1條
1. 先將紅衫魚去鱗，割肚洗淨；燒紅油鑊放入薑片，放入紅衫魚略煎。
2.注清水入鑊，略滾5至10分鐘，然後將水連魚倒入湯煲內。
3.蕃茄，薯仔洗淨切好，注入適量清水入湯煲內(水以蓋過材料為原則)，再將所有材料一起放入湯煲內，煲滾後，改用慢火煲個半小時左右即可。

菠菜牛肉湯 (適合4-8個月嬰兒)
牛肉5兩，菠菜1/2斤，薑1小片
1.牛肉洗淨切片、菠菜洗淨切段待用。
2.先將3湯碗水連牛肉和薑煲滾，水滾後，再將菠菜放入。
3.再煲1/2小時左右即可。

木瓜魚尾湯 (適合4-8個月嬰兒)
木瓜1斤，鯇魚尾1條，薑3片，蜜棗3粒
1.木瓜切件去籽，連蜜棗放入湯煲內煲滾。
2.將鯇魚尾、薑片放入鑊略煎。
3.再注清水入鑊，把鯇魚尾略滾5至10分鐘，然後將碗水連魚倒入湯煲內。
4. 把所有材料放入煲內後，注入適量清水入，以文火煲2小時即可。

南瓜湯 (適合4-8個月嬰兒)
南瓜 1/2斤，紅蘿蔔1個，薯仔1個，蕃茄1個
1.先將南瓜、紅蘿蔔、薯仔及蕃茄洗淨，去皮並切粗粒。
2.將所有材料，放入清水煮沸後用文火煮廿分鐘，直至材料腍身。
3.然後，用攪拌機將湯料攪爛，再注入1 1/2清水，倒回湯煲中煲滾即可飲用。
4. 想口感更幼滑，可加入1/2碗牛奶(配方奶粉或母乳)，轉用文火煲約5分鐘即可飲用。

紅蘿蔔粟米水 (適合4-8個月嬰兒)
中型紅蘿蔔1條，粟米1條，蜜棗2粒
1.先將紅蘿蔔去皮切段，粟米切件，連蜜棗一起洗淨。
2.將所有材料加入適量清水煲滾，約1小時左右即可飲用。

粟米馬蹄紅蘿蔔竹蔗水 (適合4-8個月嬰兒)
粟米1條，中型紅蘿蔔1條，竹蔗1紮，馬蹄6個左右，茅根及粟米鬚若干
1. 先將馬蹄、紅蘿蔔去皮切件、粟米切件、然後所有材料洗淨。
2.將所有材料加入適量清水煲滾，約1小時左右即可飲用。

啤梨蘋果水 (適合4-8個月嬰兒)
蘋果3個，啤梨2個，蜜棗2粒
1.先將啤利、蘋果洗淨去芯(不用去皮)，待用。
2.注入適量清水，放入所有材料，水滾後，轉用文火煲45分鐘左右即可。

木瓜雪耳南北杏水 (適合4-8個月嬰兒)
中型木瓜1個，雪耳2兩，南北杏若干，蜜棗2粒
1.先將木瓜切件去籽，將雪耳浸透，另把蜜棗、南北杏洗淨待用。
2.注入適量清水(蓋過材料)，把材料煲滾，然後轉以文火煲1小時左右，即可飲用。

牛奶燉蛋 (適合4-8個月嬰兒)
雞蛋黃2隻 (1歲後才用全蛋)，奶4湯匙 (配方奶粉或母乳)
1. 先將雞蛋黃攪拌，並注入奶再拌勻，倒入小碗內。
2.水滾後，牛奶蛋放入，以文火蒸。
3.想燉蛋口感滑如布丁，可反轉一隻碟，蓋在碗上，再蓋煲蓋，蒸上15分鐘即可成美味燉蛋。

木瓜乳酪 (適合4-8個月嬰兒)
細木瓜1/4個，嬰兒乳酪1杯 (大型超級市場有售)
1.方法非常簡單，只需將木瓜去皮、去籽，用木棍壓爛，待用。
2.食用時把木瓜和乳酪拌勻即可。

豆腐南瓜茸 (適合4-8個月嬰兒)
豆腐1/2磚，南瓜約4兩(約1 碗份量)
1.先將豆腐隔水蒸五分鐘左右。
2.將南瓜切粒，然後放進滾水煲水煲腍。
3.然後把兩種材料放進攪拌機打成茸即成。

芝士薯茸 (適合4-8個月嬰兒)
薯仔1個，嬰兒芝士1粒
1.先將薯仔去皮切粒，待用。
2.水滾後，將薯仔放入煲至腍。另外，也可以隔水蒸薯仔至腍身。
3.用牙籤可以插入薯仔，即代表夠腍。用匙壓成茸狀，再放上芝士粒，讓薯仔的熱力令芝士溶化，即可食用。

香蕉牛油果奶 (適合4-8個月嬰兒)
中型香蕉1隻，牛油果1/2個，奶 適量(配方奶粉或母乳)
1.先把所有材料切成粒，備用。
2.食用時將所有材料放入攪拌機攪成奶昔狀即可。

水蜜桃香蕉奶昔 (適合4-8個月嬰兒)
嬰兒乳酪1杯，香蕉1隻，水蜜桃1/2個
1. 先將水蜜桃洗淨去皮，然後切半。
2.將香蕉、水蜜桃和乳酪一起放進攪拌機攪成奶昔即成

女人最痛-反思

最近在看無綫劇集-女人最痛,當中有一幕令自己覺得好感動,滕麗名在那一幕被男友大罵,說她其實沒有什麽可愛之處,更當眾出言羞辱她,令她不禁想起視她如珠如寶的父母,無論她做錯什麽,如何忽略他們,他們都沒有怨言,仍然是呵護備置.

同樣自己的父母也是這樣視我為他們的寶貝,天上的父神也視我為祂的掌上明珠,想到這些,眼淚就不禁地滴了下來.



掌上明珠 - 讚美之泉
詞:沈亮君 曲:胡本琳

我看見上帝的印記，
我聽見上帝的旨意，
我願意俯服敬拜你，
我願意­歌舞頌揚你，
一切都是你的美意，
從此不再有心無力，
求主賜下流奶­與蜜，
引領我至迦南美地.

(Chorus)
主阿我是你的掌上明珠，
大海裡沉睡的珍珠，
雖然­經過流淚之谷，
在曠野裡得蒙救贖，
主阿我是你的掌上明珠，
大海裡­甦醒的珍珠，
我願用盡我的全部，
誠心所願，單單順服。

營養餐

試咗幾次,今日終於落啱水份,成功用電飯煲煲咗d粥仔,然後落咗牛肉同番薯比仔仔食,佢食得好快,好似好鐘意食咁,令到我好有滿足感添! =)
今次其實係第一次比牛肉呀仔食,雖然我係買最貴嗰款牛肉(因為賣肉嗰個叔叔話呢part嘅牛肉最嫰最"林"),成$6.xx一磅,但因為其實只係要少少,所以埋單都只不過係$1.xx,好彩嗰個叔叔–d都唔介意,仲依然好有禮貌,見佢咁好服務,我就買多咗d其他肉for明晚嘅dinner la!

好識揀人

–直都覺得呀仔比較跟baba,因為每逢見到baba,佢就會飛撲過去,於是有一次我見佢喊得好厲害,就將手中嘅呀仔交比baba,諗住咁樣佢會停止佢嘅喊叫,結果佢竟然唔要,反而要飛撲番去我嗰到,我哋都覺得好奇怪,於是再諗一諗,原來係食奶時間.哈哈,原來人仔細細,就已經知道去邊個到揾嘢食,去邊個到揾嘢玩,真係唔可以睇小d小baby!

唔洗驚驚,天父响到

仔仔呢個月需要好多安全感,每逢我哋離開佢嘅視線範圍,佢就大喊,好似好驚咁.咁我通常就行埋去,拍吓佢,跟住同佢講"唔洗驚驚,mama响到". 但今日當我講呢句說話嘅時候,我想起天父.當我遇到困難,挫折,唔開心嘅時候,其實點解我要驚?天父唔係應許會常與我同在嗎? "唔洗驚驚,天父响到"

"我豈沒有吩咐你麼．你當剛強壯膽．不要懼怕、也不要驚惶、因為你無論往那裡去、耶和華你的神必與你同在。" 約書亞記1:9

我們的玩具

在沈悶的婚宴中(皆因與全圍的其他賓客都不太相熟),結果樂樂豬竟成了我和老公全晚的玩具!對,不是我們陪樂樂玩,而是樂樂陪我們玩,看我們多高興!!

Baby Explorer

想帶呀仔去d playgroup好耐,但懶開就懶,最終就係約埋其他朋友仔一齊去,動力就大d嘞!於是今日終於去咗Ironwood Library嘅Baby Explorer. 活動地方唔大(所以只適合pre-walkers),但有好多玩具比babies"explore",最後20分鐘有librarian講故事,我覺得以free drop in嚟講,呢個program算係好好,只可惜仔仔到story time嘅時候開始有d扭計,不過都ok la,叫做比佢見吓人,玩吓d唔同嘅玩具,mama又可以見吓其他mama傾吓計,不過唔知係咪d玩具dirty,番到屋企塊面仔又出咗d rash. 呀仔d皮膚唔知幾時先冇咁sensitive呢.

以下係welcome song嘅片段:

"Preston Preston are you here, yes yes, Preston is here."

Surprise!

感謝姊妹從香港寄來的CD & score book,非常感動! 要多謝的不單單是送上的禮物,而是背後的祝福和關愛.人長大了,好似好難再揾到一d真心真意的"深交"朋友,所以我要好好珍惜身邊的每位好友! 我絕對相信好朋友也是神賜給我們在地上的寶貴禮物.

實在十分期待11月的香港之旅,能再與香港的一班好朋友重敍, really can't wait.....

恩典之路

Arthur & Yvonne揀咗SOP嘅"恩典之路"作佢哋婚禮嘅其中一首詩歌,佢哋嘅wedding亦令自己有很多感觸,抅起了很多回憶. 跟老公結婚已6年了,6年時間話長唔長,話短唔短,但這6年裏面確實經歷了很多高高低低,起起跌跌,我哋番咗香港,跟住結婚,許多適應但適應唔到,跟住番番嚟,又有許多適應要慢慢適應,之後搞生意,生呀仔等等等等,當中不乏主恩,深深感謝神一直的帶領和保守,雖然神並未曾應許天色常籃,但感謝神有衪不離不棄的恩典常與我們同在,活着能夠認識主耶穌,確實是一條恩典之路.

第一次放响好友屋企

剛剛過去的星期六因為要响Arthur叔叔同Yvonne姨姨嘅婚禮幫手,所以唯有第一次將樂樂放响佢嘅契媽媽屋企幾個鐘, 雖然我絕對放心好友會幫我好好睇住呀仔, 但我其實好驚呀仔會因為冇我和baba响身邊而喊到7彩而打搞到人,but to my surprise,契媽媽話佢全程都好乖,係中間想瞓覺就喊咗陣,實在太好嘞!

zzzZZZZ on highchair

早幾日將仔仔放响highchair到睇佢d bb DVD, 我就入咗書房做嘢, 過咗一陣, 我心裹面諗點解呀仔仲未喊要瞓覺嫁呢,再過多陣,我聽到仔仔d好大聲嘅呼吸聲(即係佢嘅鼻塞聲),於是出去睇吓, haha, 原來佢已經响張highchair到瞓着咗,仲瞓到好"lum"添!

健康、快樂已經是很大的恩賜

每當自己聽見和眼見那些不幸天生有殘障、殘疾的孩子,心裹總是十分難過,現已為人母感受就更深,更不禁感恩自己的兒子是個健康寶寶.有時聽見和眼見很多媽媽都不斷的將自己的兒女和別人的比較,心裏真的感到有點不舒服,bb不竟是幾個月大,何必給他/她們這麽大的壓力,何不開開心心陪伴他/她們一同成長,好好珍惜這份precious gift from above.況且baby能夠健康、快樂已經是很大的恩賜,何必太過介懷自己的baby是否夠別人的smart呢?

Gerber Organic Baby Food

之前响Walmart.com訂咗2packs好靚&stylish嘅(at least我自己覺得啦)floor mats同理一個超抵(only US$18)嘅Evenflo gate,琴日就落咗去pick up,因為我哋成3點先去,所以border line up都ok, wait time係大約20mins. 去完Walmart pick up咗d嘢之後,我哋去咗Target,結果比我發現新大陸,就係原來Gerber嘅baby food係有organic呢條line,而且仲有DHA added,價錢仲好抵添,只係$1.17/pack, 1 pack有2盒,真係要讚讚!

一早起身練"呵車"

呀仔宜家大概十點多瞓覺,十二點左右餵佢食多支奶,然後佢會瞓到5、6點就喊醒要過嚟我哋到再瞓,瞓到7、8點呢佢就真係醒嘞.有一樣嘢我好錫呀仔嘅就係佢會自己玩,總之佢見到有babamama响附近,佢就會安心,醒咗都唔會嘈話要人抱or要人陪佢玩.不過佢鐘意一早練"呵車",所以我end up都係慢慢比佢嘈醒,不過baba就有理冇理繼續揾周公!

有回報嘞!

買咗咁多尿片, 終於有回報嘞, 回報就係十蚊雞Superstore gift card. 好過冇啦!

同時亦收到Child Tax Credit 嘅$100!! 好嘢,又可以去買嘢lu!

祈禱的功課

其實响仔仔未出世之前, 已經差不多每天為佢祈禱, 慢慢我發覺自己開始變得好公式化, 都係為佢嘅健康呀, 喜樂呀, 要乖乖呀, 盼望佢年幼就能認識神之類祈禱, 同埋覺得為仔女祈禱係父母嘅一個責任,所以我要認真天天咁樣做.
但最近我對祈禱有一個新嘅體會同令受, 原因係仔仔前陣子有好多難搞嘢出現,唔食奶啦,唔瞓覺啦,夜晚成日醒啦,eczema好似嚴重咗啦,成日要喊抱, 好似成個開心宝宝唔見咗咁, 加上自已嗰排有d心事, 我成個人真係有少少虛脫嘅感覺,那時我知道我要祈禱, 我知道我要求神幫助, 話比神知我真係咩都唔識, 咩都唔知, 我唔知點樣做先可以令仔仔情況好d, 之後每天如是者祈禱, 樂樂情況亦慢慢有好轉, 自己心情亦開朗番d. 今次呢件事提醒自已祈禱唔係單單係一個責任, 為仔仔各方面祈禱是需要的,是重要的, 但更加嘅係要表明自已嘅軟弱, 要完全謙卑求神幫助(有時湊仔湊慣湊熟咗, 會忘記我仍需要依靠神天天加力加恩) 。靠自己真的不能作什麽, 唯有依靠全知而又全能的上帝和祂豐盛的恩典去過每一天。

媽媽的新玩具

今日無意比我再次見到Kidco嘅Food Mill.因為仔仔開始食多咗少少solid,所以應該係時候買嘞!雖然我已經買咗個blender,但我都想買埋呢個product,原因係其實呀仔始終都仲未係食好多solid,而呢個product可以比我每次只係blend少少食物,所以我會鍾意用佢嚟整d生果茸比呀仔.有時我會將少少熟咗嘅菜or肉or生果blend咗去,然後即刻餵呀仔食又或者再放落d糊仔or粥仔到,咁樣我就可以每日都比d新鮮嘢佢食嘞!我自己唔係好想一次過煮多d然後每次食之前就丁一丁,我知道其實可能遲d都好難避免唔丁食物,不過宜家就盡量可以唔丁就唔丁啦! oh, 呢個product另外一個我鍾意嘅地方就係使用方便同容易清潔,所以我今日好開心買到心頭好!

Cry to sleep

最近樂樂瞓覺前好曳曳豬,摟好耐都唔肯瞓,抱又唔係,企又唔係,唱歌仔又唔係,"un"又唔係, 總之就係喊到聲嘶力竭 for more than 15 mins,不停爭扎,嗰刻抱住佢真係覺得佢好魔鬼,但呢排我哋用咗非常殘忍嘅方法,就係等佢响張床到自己喊,喊到攰就瞓着,都幾work... 我計過,呢個方法只需less than 10 mins佢就瞓着,比起抱住佢嚟氹佢瞓還要快,但嗰10分鐘就真係幾難過,感覺好似20分鐘,不過真係要忍心d(呢樣baba叻過我,因為我途中都好想去抱番佢),真實都係為佢好,等佢可以快d覺覺豬!

呷醋豬

今日bebe見到爸爸番到屋企就如常興奮到震,但當發現爸爸第一個抱住嘅係另一個bb,佢就即刻大喊起嚟, 哈哈,正一呷醋豬!

嘟嘴

繼伸利同"bu"口水之後,bebe今期好鍾意嘟嘴,特別响喊嘅時候就嘟得最犀害!

First time Trying Banana

我唔敢太早比仔仔試食香蕉,因為蕉比較甜,我驚佢太早食d咁甜嘅生果,之後就唔肯食d冇咁甜嘅,but anyway,因為我買落嘅baby food都食得7788,所以今日第一次比仔仔試.睇佢嘅反應,我相信佢暫時應該係最鍾意食蕉.口裏面嗰"担"都未吞晒就已經"mag"大個口要第二"担",佢咁鐘意食甜嘢,怪不得我駝住佢嗰時成日要食朱古力同雪糕啦! haha.... 不過其實可能個個bb都係喜歡甜嘢多d嫁喇!

Mother of 2 - Rehersal?

今曰幫好友baby-sit,感覺就係--"亂"!! 好似就係顧得呢個時,又顧唔到另外嗰個,不過好彩今日有兩位媽媽好友幫手睇頭睇尾,今日先得以順利過關,但今日之後,對幾時生多個呢個問題,真係要考慮清楚,因為我真係唔係一個supermom!

學識抱抱前打開手

BBQ @ Buntzen Lake

babamama上星期五帶咗我去Buntzen Lake戶外BBQ! 今日仲有Uncle Philip一家 & Fiona 姐姐, 因為天氣實在太好,我哋都玩得&食得好開心, 仲影咗好多靚相tim! baba話我exactly一年前响mama個肚裏面嘅時候都嚟過呢達地方同babamama慶祝佢哋嘅週年紀念,wah... 咁快就一年喇!! 唔知下年又係咪再嚟呢到呢!

mama話呢個咁靚嘅大自然係天父創造ga,所以我哋要多謝天父!

Photo slideshow customized with Smilebox

Booster seat

上星期六我第一次出街街坐我我嘅booster seat, babamama都好開心,因為佢哋唔洗再抱住我,可以輕輕鬆鬆咁食嘢lu!

新玩具

經Karina ee的推介&sale alert, 媽媽上星期五一早同我去Toysrus以$14.99買咗呢個原價係$34.99嘅convertible walker + ride-on toy. 十個抵! 我遲d學行嘅時候就可以玩喇,好嘢!!

禱告的果效

琴日仔仔全日最終只係食得13oz奶,心裏唔係擔心佢唔夠營養(因為始終佢都有番咁上吓大隻),最擔心嘅係佢會脫水(因為全日佢都冇乜pp).baba响3點am再試吓餵佢,佢都係唔肯食.無知的我終於醒起要為佢祈禱.祈禱後,再試一試餵佢,當時大約330am,佢竟然肯食,仲好快咁瞓住食晒成支奶,心裹不禁大大感恩感謝神聽禱告,此事更再一次提醒自己當遇到困難時,第一個要揾嘅唔係自己,唔係老公,唔係experts,而且滲透萬事而又全能的神!

瞓得好差又唔肯食奶

仔仔連續兩晚都瞓得好差,半晚不停斷斷續續的喊叫, 叫兩三吓, 我拍拍佢, 瞓番, 但過幾個字, 又嚟過, 今日更加奇怪, 連食奶都唔係好肯食, 到下午630, 佢全日都只係食咗5oz奶, 我怕佢餓親, 所以中間餵佢食咗兩次糊仔, 好彩佢仲肯食糊仔, 如果唔係就擔心死我嘞!

食飽飽、散散步

講咗成半年話食完飯出去附近公園行吓,琴晚終於實行咗嘞!雖然已經差不多9點,但天仍然幾光吓,未係好黑.食飽飽之後出去行吓,吸吸d新鮮空氣,感覺真係好唔錯.樂樂仲第一次去咗個小型遊樂場影咗幾張相(因為仲未識玩),真relax! 不過番到屋企就成堆碗等住我洗law!

中國什耍

如果樂樂有機會學中國什耍,相信都應該會幾出色!睇吓佢d手手腳腳就知嫁喇!

扣喉減肥?

仔仔自從被迫戒奶咀後,就勁愛上食手指,佢機乎想成隻手指吞咗落肚咁!結果就好似人哋扣喉減肥咁,係咁嘔! 今朝仲嘔落張梳化到,好彩張梳化比較容易清潔,如果唔係就輪到我嘔lah!

第一次自己揀玩具

baba一直都好想買隻bearbear熊陪我瞓覺豬,所以上星期帶咗我去揀公仔。babamama話等我自己揀,結果我另唔係揀bearbear熊,而係一隻cute cute老虎仔。我一見到佢就攬住唔放,仲大大啖咁"誓"落去,於是mama就話"係佢嘞!"

我的名字 爸爸的姓氏

我個名叫陳智樂, 英文名叫Preston,唔係President. 我今年1歲都冇,鍾意瞓覺,飲奶奶,睇電視,摟抱,蝦媽咪爹哋. 有好多人問我個名點解, 好啦,等我話個你知啦!

智樂
來自以下的經文:
敬畏耶和華、是智慧的開端．認識至聖者、便是聰明。
你們要靠主常常喜樂．我再說、你們要喜樂。

我相信爸爸媽媽比我呢個名係想我可以一生愛慕屬靈的智慧，同埋天天在神的喜樂中成長。

Preston
Meaning: From the Priest's Home
Derived from the Scripture: Psalm 50:14
"Offer unto God thanksgiving; and pay thy vows unto the most High"
其實Preston係一個祭司獻祭的地方名,爸爸媽媽想提醒他們自己我Preston就是他們獻感恩祭的地方.

我個中文名同英文名都係爸爸改ga, thumbs up!!

I am back!

自樂樂出世後，一直都好想再寫番blog，記低樂樂的一點一滴。但新手媽媽之前實在太忙亂，跟本無法開始。宜家好d嘞，所以即管試一試啦！